Þórhildur Bjartmarz:
Árlegt hlýðnipróf Norðurhunda (Svæðafélag HRFÍ) var haldið helgina 24. og 25. september á Akureyri. Prófað var í þremur flokkum, brons, hlýðni I og hlýðni II.
Alls voru níu hundar skráðir í próf hvorn dag:
Laugardagur:
Þrír hundar voru skráðir í bronspróf. Engin þeirra fékk bronsmerki HRFÍ þennan dag.
Þrír hundar voru skráðir í hlýðni I próf. Allir fengu I. einkunn og tveir þeirra silfurmerki HRFÍ.
Í fyrsta sæti og með I. einkunn var Gæfa með 172 stig. Stjórnandi var Valgerður Stefánsdóttir.
Þrír hundar voru skráðir í hlýðni II próf. Einn hundur náði ekki lágmarkseinkunn, einn hundur fékk III. einkunn og einn hundur fékk I. einkunn.
Í fyrsta sæti með I. einkunn og gullmerki HRFÍ var Þór þrumugnýr með 170 stig. Stjórnandi var Þórhildur Bjartmarz.
Sunnudagur:
Þrír hundar voru skráðir í bronspróf. Einn þeirra fékk bronsmerki HRFÍ.
Í fyrsta sæti og með bronsmerki HRFÍ var Romeo með 158,5 stig. Stjórnandi var Fanney Harðardóttir.
Tveir hundar voru skráðir í hlýðni I próf. Annar hundurinn fékk III einkunn.
Í fyrsta sæti með I. einkunn var Perlon. Stjórnandi var Björg Theodórsdóttir.
Nú voru fjórir hundar skráðir í hlýðni II. Þrír hundar fengu III. einkun og einn hundur fékk I. einkunn.
Í fyrsta sæti með I. einkunn var Þór þrumugnýr með 185 stig. Stjórnandi var Þórhildur Bjartmarz.
Prófstjóri var Sandra Einarsdóttir (og Fanney Þórarins í bronsprófi á sunnudag)
Ritari var Aníta Stefánsdóttir
Dómari var Albert Steingrímsson
Prófið var hið skemmtilegasta, góð stemming og aðstæður eins og best verður á kosið í reiðskemmu Léttis á Akureyri.
